४ छोराले ४ दिनदेखि खोज्दै थिए आमालाई, चितुवाको गुफाबाहिर भेटियो खुट्टा

भरतपुर। ४ छोरा र १ छोरीले आमालाई ४ दिनदेखि खोज्दै थिए । ती आमाको जंगलको चितुवाले शिकार गरेको पाइएको छ । मंगलबार जंगलमा उनका हड्डीहरु भेटिएका छन् । मंगलबार भारतको राजस्थान राज्य अन्तर्गत जयपुरको भरतपुरमा रहेको जंगलमा भेटिएका हड्डीहरु ६५ वर्षकी रामप्यारी भएको बताइएको छ । गाउँलेका अनुसार रामप्यारीको प्यान्थर चितुवाले शिकार गरेको हो ।

मंगलबार बिहान जंगलमा शवका केही भाग भेटिएपछि प्रहरी र वन विभागका कर्मचारी बोलाइएको थियो । उनीहरुले दिनभर जंगलमा खोजी गर्दा पनि पहिचान प्रस्ट हुने खालको शवको कुनै भाग भेट्टाउन नसकेपछि तालिमप्राप्त शिकारी कुकुर ल्याइएको थियो । कुकुरले साँझपख एक गुफा नजिकै एउटा खुट्टा भेट्टायो । खुट्टामा भएको पाउजुबाट शवको पहिचान भएको हो । गुफाभित्र प्यान्थर चितुवा बस्ने गरेको गाउँलेले बताएका छन् । वन विभागले प्यान्थर समात्नका लागि पासो थापेको छ । गाउँलेलाई जंगलतिर नजान निर्देशन दिइएको छ ।

The post ४ छोराले ४ दिनदेखि खोज्दै थिए आमालाई, चितुवाको गुफाबाहिर भेटियो खुट्टा appeared first on Taja nepali news.

http://ift.tt/eA8V8J

from SHYANE http://ift.tt/2CfSqtP
via IFTTT