भेडा चराउने बालिका शक्तिशाली राष्ट्रकी शिक्षामन्त्री

कडा परिश्रम गरे सफलता अवश्य हात पर्छ भन्ने उदाहरण हुन फ्रान्सको अहिलेकी शिक्षाममन्त्री नजात भलौद बेल्कासेम। भेडा चराई रहेकि एक जना बालिकाको फोटो इन्टरनेटमा निकै सेयर भएको थियो।

कारण एउटै थियो कुनै बेलाकि भेडा गोठाल्नी फ्रान्सको शिक्षामन्त्रीमा नियूक्त भएकि थिएन्। हो, अहिले फ्रान्सको शिक्षाममन्त्री नजात भलौद बेल्कासेम ५ बर्षको उमेर सम्म आफु जन्मेको देश मोरक्कोमा भेडा चराएर बसेकि थिइन्। उनले गरेको संघर्ष निकै प्रेरणादायी मानिन्छ।

नजात ३९ बर्ष अघि अफ्रिकाको मोरक्कोको एक गाउँमा जन्मेकी हुन्। उनले ४ बर्षको कलिलो उमेर देखि नै संघर्ष र कडा परिश्रमको सामना गर्नु परेको थियो। दिनहूँ जंगलमा भेडा चराउन जानु र टाढा रहेको कुवाबाट पानी लिएर आउनु उनको दिनचर्या थियो। उनका बाबु फ्रान्समा निर्माण कम्पनिमा काम गर्थे तर उनकी आमा साना बच्चाहरु सहित मोरक्कोको गाउँमा बस्थिन्।

सन् १९८२ मा उनको परिवार फ्रान्समा बसाईं सर्यो। त्यसबेला उनी जम्मा ५ बर्षकी थिइन्। फ्रान्समा बसाईं सरेपछि उनी फरक देश, चलन, भाषा र परिवेशको सिकार भइन्। मोरक्कोमा भन्दा अझ धेरै दुख, बाधा र अड्चनले घेरिन पुगिन। त्यति मध्ये सबै भन्दा कठिन सामना त भाषाको थियो। उनि अरबी भाषा बोल्थिन अब उनले फ्रेन्च सिक्नु पर्ने भयो, जुन निकै कठिन थियो उनकालागि।

फ्रान्समा सुरुका दिनहरु निकै कठिन भए उनकालागि। उनकै शब्दमा ‘आफ्नो देश, परिवार अनि पुर्खा छोडेर जाँदा निकै पिडा हुन्छ। मेरो बुवा पहिले देखि फ्रान्समा काम गर्नुहुन्थ्यो, त्यसैले वहाँलाई त्यति गाह्रो भएन तर आमा र हामि भाइबहिनीहरुलाइ निकै गाह्रो भयो।’

तर उनले हिम्मत हारिनन्। लगातार कडा परिश्रम गर्दै गइन् र कलेजको पहिलो बर्षको अन्तिम सम्म पुग्दा त उनि फ्रेन्च भाषामा पारंगत भइसकेकि थिइन्। उनका बावुको कडा अनुशासनले पनि अध्ययनमा बढि केन्द्रित हुनुपरेको उनको बुझाइ छ।

उनि उच्च शिक्षाकालागि फ्रान्सकै प्रतिष्ठित इन्टिट्यूट अफ पोलिटिकल साइन्समा अध्ययन गर्न पुगिन् र त्यहिबाट उनको राजनितिक यात्राको सुरुवात भयो। सन् २००० मा अध्ययन पुरा गरेर उनि फ्रान्सको सोसलिष्ट पार्टीमा आबद्ध भइ नागरिक अधिकार, सर्बसुलभ बास अनि बिभेद बिरुद्द निरन्तर आवाज उठाउने काम गरेकि थिइन्।

राजनितिका साथ साथै परिवारको आर्थिक बोझलाई कम गर्न काम पनि गर्न थालिन। सोसलिष्ट पार्टीको सदस्यका हैसियतले उनले ल्योन मेयरलाई सहयोग गर्न थालिन र तत्कालिन फ्रेन्च सरकारको कमि कमजोरिका बारेमा खुलेर बिरोध गर्न थालिन्। सन् २००८ मा आल्पिसको काउन्सिलर पदकालागि चुनाव लडिन र जितिन पनि। त्यस यता उनले राजनितिमा पछाडि फर्केर हेर्नु परेको छैन्।

सन् २०१२ मा फ्रान्सका राष्ट्रपति फ्राँस्वा ओलाँले उनलाई महिला अधिकार मामिला मन्त्री र सरकारको प्रवक्तामा नियुक्त गरे। अन्तत् सन् २०१४ मा फ्रान्सको मन्त्रिमण्डल हेरफेरमा धेरैले मन्त्रि पद गुमाइरहँदा उनि भने शिक्षामन्त्रिमा बडुवा भइन्।उनले फ्रान्सको इतिहाँसमा पहिलो महिला शिक्षामन्त्रि बन्ने रेकर्ड बनाइन्।

उनका बिरोधिहरुले उनि जन्मेको देश, धर्म र उनको भेडा गोठालोको पृष्ठभूमीलाई लिएर कडा टिप्पणी गर्ने गर्छन्। कहिले त उनले लगाएको लुगाको बारेमा पनि बहस हुन्छ। तर उनि निरन्तर अगाडि बढिरहेकि छन र युवाहरुलाई परिश्रम गर्न र राजनितिमा आउन प्रेरणा दिइरहेकि छन्।

युवाहरुलाई राजनितिमा आउन सुझाव दिदै उनि भन्छिन ‘म जहिले पनि युवाहरुलाई राजनितिमा संलग्न हुन सल्लाह दिन्छु। भविष्यमा खुसि र सुखि हुनलाई राजनितिमा सत्रिय हुनु सबै भन्दा उत्तम उपाय हो। भाग्यमा आश्रित भई मूक दर्शक भयौ भने हामिले खालि निराशाको महसुस गर्न बाध्य हुनेछौ।’

http://ift.tt/eA8V8J

from SHYANE http://ift.tt/2uKQojf
via IFTTT