नयाँ दिल्ली, २६ असार– सलमान खानको फिल्म ‘बजरंगी भाईजान’ मा मूख्य अभिनेत्री करीना कपूरकी आमाको भूमिका निर्वाह गरेकी अभिनेत्री दुई वर्षका लागि जेल चलान भएकी छन् ।
विभिन्न टिभी सिरियलहरुमा समेत अभिनय गरिसकेकी अभिनेत्री अलका कौशललाई दुई वर्षका लागि जेल चलान गरिएको हो । अलकासँगै उनकी आमालाई पनि दुई वर्षको जेल सजाय सुनाइएको छ ।
दुईटै आमा–छोरीलाई चेक बाउन्सको आरोप लगाइएको छ । अभिनेत्री अलका र उनकी आमाले जालन्धरको एक गाउँमा एक किसानबाट ५० लाख रुपैयाँ सापटी लिएका थिए, टिभी सिरियल बनाउन भनेर । तर उनीहरुले उक्त पैसा फिर्ता गर्न सकेनन् ।
किसानले जब पैसा मागे उनीहरुले २५–२५ लाख रुपैयाँको दुईवटा चेक दिए । तर चेक बाउन्स भए ।
किसानले वकिलमार्फत सन् २०१५ मा मलेरकोटला अदालतमा मुद्दा दायर गरे । अदालतले दुई वर्षको सजाय सुनायो ।
त्यसपछि पनि अलकाले पन्जावको संगरुर जिल्लाको उच्च अदालतमा राहतका लागि गुहार गरिन् । तर अडिशनल सेशन अदालतले पनि तल्लो अदालतको फैसललाई सही ठहर्यायो । भारतीय सञ्चारमाध्यमका अनुसार अभिनेत्री अलका र उनकी आमा संगरुरको जेलमा छन् । source: lokaantar
http://ift.tt/eA8V8Jfrom SHYANE http://ift.tt/2uKUohH
via IFTTT
0 comments:
Post a Comment