काठमाडौं, साउन १६-
साउदी अरेवियाका विदेश मन्त्री अदिल अल जुवेयरले मक्का मदिनाको व्यवस्थापनलाई अन्तराष्ट्रियकरण गर्न गरेको आव्हान ‘युद्धको घोषणा’ भएको बताएका छन् । उनको भनाई उधृत गर्दै अल अरेवियाले कतारको पछिल्लो अनुरोध साउदी अरव विरुद्धको युद्ध घोषणा भएको समाचार छापेको छ ।
साउदी अरवले कुनै पनि पवित्र स्थललाई अन्तराष्ट्रियकरण गर्ने नगर्ने अधिकार आफैंसँग सुरक्षित राख्छ अल जुवेयरको भनाई उधृत गर्दै समाचारमा भनिएको छ । साउदीको मक्कामदिनामा हजका लागि जान चाहने कतारी नागरिकलाई साउदी अरवका हज अधिकारीहरुले निश्चित विमानस्थलमा उत्रन र दोहाबाट मात्र उडान भर्न आदेश दिएको भन्दै कतारको मानव अधिकार आयोगले यो अन्तराष्ट्रिय कानून विपरित भएको भन्दै त्यसको विरोध गरेको थियो ।
समाचारमा गतबर्ष ईरानले आफ्ना हज गर्न जान चाहने नागरिकलाई अवरोध गरिएको भन्दै सिधै मक्का मदिनाको व्यवस्थापन अन्तराष्ट्रिय निकायले गर्नुपर्ने भन्ने खालको अपिल कतारले नगरेपनि त्यस्तै आशय सहितको अपिल गरेको जनाइएको छ । तर कतारी सञ्चार माध्यम लगायतको प्रयत्न अस्वीकार्य खालको रहेको साउदी अरवका सञ्चार माध्यमले लेखेका छन् ।
साभार देशपरदेश
http://ift.tt/eA8V8Jfrom SHYANE http://ift.tt/2f1lMEK
via IFTTT
0 comments:
Post a Comment