काठमाडौं । यो काठमाडैंको कमलादीस्थित पाँच तल्ले घर । यो घर २०७२ साल बैशाख १२ गते गएको विनासकारी भूकम्प पछि खाली छ ।
पछिल्लो दिन पसल राख्ने भन्दै यो घरमा तयारी थालिएको थियो । तर, पसल सुरु हुनु अगावै यहाँ यस्तो घटना भयो जसले पसलको साहु मात्रै नभएर वरपरका मानिसलाई समेत आतंकित बनायो ।
राजधानीको अत्यन्तै व्यस्त क्षेत्र मानिने कमलादीस्थित एक घरमा आइतबार दिउँसो एक्कासी भूतको हल्ला चल्यो । हल्ला चले लगत्तै त्यहाँ भीड मात्र जम्मा भएन वरपरकाले आ–आफनो पसल समेत बन्द गरे ।
स्थानीयवासीका अनुसार बिहान ११ बजे यो घरबाट महिला रोएको आवाज सुनियो । लामो समयदेखि खाली रहेको घरबाट महिला रोएको आवजले सबैलाई अचम्मित बनायो । रोएको आवज कसको हो भनेर छानविन गर्दा कोही भटिएन ।
करिब आधा घन्टा पछि फेरि पहिलेको जस्तै आवाज आयो । यस पटक भने महिलाले बचाउ बचाउ भन्दै चिच्याएकी थिइन । दोस्रो पटकको आवाजपछि त्यस क्षेत्रमा भागदौड नै मच्चियो । वरपरका पसल बन्द भए ।
तत्काले प्रहरी पनि घटनास्थलमा पुग्यो । प्रहरी र स्थानीयवासीले पुरै घरको खानतलासी गरे तर केही भेटिएन । प्रहरीले घरको खानतलासी गरिसकेपछि सो क्षेत्रको अवस्था सामान्य भएको छ । तर महिला चिच्याएको आवाज कहाँबाट आएको हो अझै रहस्यमै छ । source:avenues.tv
http://ift.tt/eA8V8Jfrom SHYANE http://ift.tt/2q9AgmD
via IFTTT
0 comments:
Post a Comment