नेपाल गोल्डेन आईडलको उत्कृष्ट १० मा सुमिना, बिजेताको लागि भोट गर्न आग्रह (भिडियो सहित)

फागुन ७,(सुवास संकल्प), इटहरी,

नेपालको परिवेसमा हेर्ने हो भने छेमेकी मुलुक भारतलाई पछ्याउदै केन्द्र अर्थात काठमाण्डौ भन्दा बाहिर पनि सुन्दरी प्रतियोगिता देखि गायन, नृत्य तथा अभिनयलाई बिसेष महत्त्व दिएर निकै रियालिटी शो हरु हुने गरेको छ l कति सुरुवात देखि अन्त्य सम्म निष्पक्ष हुन्छन भने कति बिबादै बिबादले समापन हुन्छ l यस्तै पोखराबाट गायन र नृत्य लाई महत्त्व दिएर संचालनमा आएको गोल्डेन आईडलले सुरुवाती देखि तेश्रो सस्करण सम्म आईपुग्दा निष्पक्ष निर्णय गर्दै सहि प्रतिभालाई चिनाईसकेको छ भने हाल देशव्यापी रुपमा संचालन भएको चौथो सस्करणको उत्कृष्ट १० प्रतियोगी पनि छनौट गरिसकेको छ l

यहि प्रतियोगिताको उत्कृष्ट १० अर्थात नृत्य तर्फ फाईनलमा पुग्न सफल नाम हो इटहरीको सुमिना श्रेष्ठ l इटहरीको हाम्रो बोर्डिङ्ग स्कुलमा ७ कक्षामा अध्यनरत सुमिना सानै देखि नाच्न खुबै तम्सिने गर्थिन भने उनि पढाईमा पनि निकै अब्बल छिन l गीत गाउन पनि रुचि राख्ने उनले नृत्य गरेर सबैको मन जित्दै आएकी छिन भने उनको सपना पछि गएर डाक्टर बन्ने रहेको छ l उनि यो प्रतियोगिता भन्दा पहिले पुर्वाञ्चलबाट संचालन भएको इन्टर स्कुल एकल नृत्य प्रतियोगितामा भाग लिएर आफुलाई नृत्यमा अब्बल साबित गर्दै बिजेता बन्न सफल भईसकेकी छिन भने इटहरीबाट संचालन भएको "नाच नाच-२" मा पनि फाईनल सम्म पुग्न सफल भई सकेकी छिन l

आफ्नो परिवारबाट पुरा साथ पाएकी सुमिनाले आफुलाई यहा सम्म आउनलाई सहयोग गर्नुहुने सबैलाई धन्यबाद दिदै अब अझै प्रतिष्पर्धी समय भएकोले अझै सहयोग र साथको आवस्यकता रहेको भन्दै फेरी पनि निरन्तर भोट गरेर बिजेता बन्नलाई सहयोग गर्न सबैलाई आग्रह गरेकी छिन l देशभरिका हजारौ प्रतिष्पर्धिलाई आफ्नो नृत्यकलाले पछि पार्दै फाईनलमा पुगेकी सुमिनालाई भोट गर्नको लागि आफ्नो मोबाईलको म्यासेज बक्समा गएर NGI<speace>30 लेखि 33264 मा म्यासेज पठाउन सकिने छ भने एक दिनमा एउटा नम्बरबाट १० पटक सम्म भोट गर्न सकिने छ l सुमिना श्रेष्ठलाई हाम्रो तर्फबाट पनि बिजेता बन्न हार्दिक सुभकामना अर्पण गर्दछौ l

सुमिना आफैले भोट माग्दैछिन, हेर्नुस यो भिडियो :