माघ १६ । अस्ट्रेलियन ओपन टेनिसको उपाधि स्वीस खेलाडी रोजर फेडेररले जितेका छन् ।
आइतबार भएको फाइनलमा स्पेनिस खेलाडी रफाइल नदाललाई पराजित गर्दै फेडेररले उपाधि जितेका हुन् ।
पूर्वविश्व नम्बर एकहरुको भिडन्तमा फेडेरर ६–४, ३–६, ६–१, ३–६ र ६–३ ले विजयी भए ।
योसँगै सर्वाधिक ग्रान्डस्लाम जितको कीर्तिमानलाई अझ थप्नेक्रममा फेडेररले ग्रान्डस्लाम संख्यालाई १८ पुर्याएका छन् ।
१४ पटकका ग्रान्डस्लाम विजेता नदाललाई हराएसँगै फेडेररले अस्ट्रेलियन ओपन उपाधिको संख्या पनि पाँच पुर्याएका छन् ।अष्ट्रेलियन ओपन पाँचपटक जितेसँगै फेडेररले तीनओटा छुट्टाछुट्टै ग्रान्डस्लाममा पाँच वा सोभन्दा बढी उपाधि जित्ने कीर्तिमान पनि रचेका छन् ।
फेडेररले अष्ट्रेलियन र युएस ओपन पाँच/पाँचपटक जितेका छन् भने विम्बल्डन टेनिस सातपटक जितेका छन् । फ्रेन्च ओपन भने फेडेररले एकपटक जितेका छन् ।
३५ वर्षीय फेडेररले सन् २०१२ को विम्बल्डन टेनिसपछि पहिलोपटक ग्रान्डस्लाम जितेका हुन् ।
from ARENA http://ift.tt/2kJ12iP
via IFTTT
0 comments:
Post a Comment