पुस २९ । राजधानीमा आगामी माघ १ गतेदेखि १६ गतेसम्म खुकुरी च्यालेन्जर टी–ट्वेन्टी कप क्रिकेट प्रतियोगिता आयोजना हुने भएको छ ।
भक्तपुरकोे सैनिक आवासीय महाविद्यालयको मैदानमा हुने प्रतियोगितामा दुई विभागीय टोलीहरु त्रिभुवन आर्मी र नेपाल पुलिस क्लबसहित मोफसल र राजधानीका कुल १६ क्रिकेट टोलीले सहभागिता जनाउने छन् ।
‘लिग कम नकआउट’का आधारमा हुने प्रतियोगितामा सहभागी १६ टोलीलाई ४ समूहमा विभाजन गरिने छ । हरेक समूहका शीर्ष दुई स्थानमा रहने टोली क्वार्टरफाइनल राउन्डका लागि छनोट हुनेछन् ।
प्रतियोगिताका विजेताले २ लाख रुपैयाँ पुरस्कार प्राप्त गर्दा उपविजेताले १ लाख रुपैयाँ हात पार्नेछ ।
यस्तै, प्रतियोगितामा उत्कृष्ट घोषित हुने खेलाडीले २५ हजार पाउनेछन् भने उत्कृष्ट बलर तथा ब्याट्सम्यानले जनही १० हजार रुपैयाँ प्राप्त गर्ने जनाइएको छ ।
from ARENA http://ift.tt/2joXPoB
via IFTTT
0 comments:
Post a Comment
Click to see the code!
To insert emoticon you must added at least one space before the code.