पुस ९ । सशस्त्र प्रहरीका पर्शुराम बास्तोलाले पूर्वाञ्चलमा जारी सातौं राष्ट्रिय खेलकुदमा स्वर्णपदक प्राप्त गर्दै राष्ट्रिय खेलकुदमा ह्याट्रिक गर्न सफल भएका छन् ।
शनिबार विराटनगरस्थित सहिद रंगशालामा भएको कराँते प्रतियोगिताअन्तर्गत् पुरुष एकल कातामा बास्तोलाले नेपाली सेनाका डम्बरबहादुर आलेमगरलाई पराजित गर्दै स्वर्णपदक जितेका हुन् ।
उनले काठमाडांैमा भएको पाँचांै र धनगढीमा भएको छैटौं राष्ट्रिय खेलकुदमासमेत स्वर्णपदक जितेका थिए ।
प्रतियोगितामा सुदूरपश्चिमका ललित खत्री र मध्यमाञ्चलका सुमन पुलामी मगरले कास्यपदक प्राप्त गरे ।
यस्तै, महिलातर्फको एकल कातामा नेपाल प्रहरीकी निर्मला तामाङले मध्यमाञ्चलकी अप्सरा मोक्तानलाई हराउँदै स्वर्णपदक जितिन् ।
सशस्त्रकी सरिता श्रेष्ठ र सुदूरपश्चिमकी वर्षा साउदले कास्यमा चित्त बुझाए ।
from ARENA http://ift.tt/2ielTdd
via IFTTT
0 comments:
Post a Comment
Click to see the code!
To insert emoticon you must added at least one space before the code.