दुर्गाको स्वर, इशा र आशिषको अभिनयमा "म त जादैछु" : सुटिङ सम्पन्न (फोटो फिचर)

पौष ९, इटहरी,

लगातार म्युजिक भिडियो निर्माणमा सक्रिय इटहरीको ग्रुप डि थ्री प्रोडक्सन नेपालले भर्खरै अर्को म्युजिक भिडियोको पनि छायांकन सम्पन्न गरेको छ ।

धनकुटावासी नव-गायक दुर्गा राईको सुमधुर स्वरमा रहेको मर्मस्पर्शी लोक-आधुनिक गीतको छायांकन यहि बिहीवार गरिएको छ । "म त जादैछु.." बोलको उक्त गीतलाई इटहरी र धरानमा सुटिङ गरिएको हो ।

एक ब्यक्ती आफ्नो मायालु लाई छोडेर टाढा जान लागिरहदा दुई बिचको रमाईला बितेका पलहरुलाई भिडियोमा आकर्षक ढङ्गले प्रस्तुत गरिएको छ । भिडियोलाई सुवास संकल्प ले निर्देशन गरेका छन भने उनी यो भिडियो बाट निकै आशाबादी छन, भन्छन-"मेरो अघिल्लो भिडियो भन्दा यो भिडियो मा निकै मेहनत परेको छ, पहिलेको भन्दा ईक्युपमेन्टहरु पनि बढी युज गरेको छु, त्यसैले यस भिडियो बाट मैले निकै आश गरेको छु ।"

सो गितमा हिरा राईको शब्द संगीत रहेको छ भने मोडलिङमा चर्चा बटुल्दै गरेको ईशा परियार र आशिष लिम्बूको उत्कृष्ट अभिनय रहेको छ । भिडियोलाई निक बिष्टले छायांकन गरेका हुन भने सोम मग्रातिले मेकअप गरेका छन ।