साम्राज्ञीसँग सलिनको जोडी बाँध्दै गुपचुप फ्लोरमा झरना

अभिनेत्री झरना थापाको डेब्यू निर्देशनमा बन्दै गरेको फिल्म 'ए मेरो हजुर' मा यसअघि नै अनुबन्ध भईसकेकी 'ड्रिम्स' गर्ल साम्राज्ञलक्ष्मी शाहसँग अनस्कृन रोमान्समा २२ बर्षे ठिटो सलिन मान देखिने खुलेको छ । गुपचुप रुपमा बुधबारबाट फिल्म फ्लोरमा गएको भनिए पनि झरनाले हालसम्म लिड अभिनेता सार्वजनिक गरेकी थिईनन् । 

५ फिट ८ ईञ्ज उचाई तथा आकर्षक कदका धनी सलिन साम्राज्ञीको अपोजिटमा फिट भएसँगै केहि समय पहिले फिल्ममा अनुबन्ध भएको बताईन्छ । म्यानेज्मेन्टमा विधार्थी सलिन काठमाडौं न्यूरोडका स्थानिय बासिन्दा हुन् भने नृत्यमा पनि पोख्त रहेको बताईन्छ ।

 तर फिल्म तथा मोडलिङ क्षेत्रमा सलिन नाम भने विल्कुलै नयाँ हो । सस्पेन्स प्रेम कथामा बन्ने फिल्ममा यसअघि नै सलोन बस्नेत, बुद्धि तामाङ, अनुभव रेग्मी फाईनल भईसकेका थिए । एस के थापा प्रोडक्शनको व्यानरमा बन्ने फिल्मका निर्माता झरना पति सुनिलकुमार थापा हुन् ।

 स्मरण रहोस्, यसअघि पनि सोहि व्यानरबाट 'ए मेरो हजुर' नाममै फिल्म बनेको थियो । निर्माणको १० बर्षपछि नाम दोहोर्याउन पाउने प्रावधान अनुसार एसके फिल्मस् ले पुनः सोहि नाममा लभस्टोरी फिल्म बनाउन जुटेको हो । यसअघि यो फिल्मलाइ 'ए मेरो हजुर' को सिक्वेलको चर्चा गरिए पनि अन्ततः सोहि नाम मात्र लिएर निर्माण टिम फ्लोरमा गएको हो ।

                                                                                                                                 

                                                                                                                                       फिल्मी खबर बाट 

via IFTTT

from SHYANE http://ift.tt/2bsG70j
via IFTTT