मोबाइल रातभर चार्ज गर्दा ब्याट्री पडकिन्छ रे ! बिमानभित्र मोबाइल प्रयोग गर्यो भने बिमानले कता जाने भन्ने बाटो पत्ता लगाउन सक्दैन रे !
सम्भवत तपाइँले फेसबुकका पोष्टहरु, साथीका गफमा स्मार्टफोनबारे यस्ता केही मान्यताहरु सुन्नुभएको होला । धेरैले भनेको सुनेपछि तपाइँले यस्तै कुरामा बिश्वास पनि गर्नुहुन्छ होला र रातभर मोबाइल चार्ज गर्न पनि डराउनुभएको होला ।
तर, वास्तवमा स्मार्टफोनबारे निकै चर्चित केही मान्यताहरु केवल हल्लामात्र हुन् त्यसको कुनै बैज्ञानिक आधार छैन् ।
आज हामीले तपाइँलाई यस्तै सातवटा हल्लाबारे जानकारी दिँदै छौं जुन पूर्णत हल्ला हुन् तर तपाइँले हजारौंपटक सुनेका कारण सत्यझैं लाग्न सक्छ ।
१. हामीले सुन्दै आएका छौं, हवाइजहाजमा मोवाइल फोनको प्रयोग गर्दा यसले नेभिगेसन र सञ्चार प्रणालीहरुमा नकारात्मक असर गर्छ । हवाई सुरक्षाका लागि खतरनाक मानिएकाले जहाजमा मोवाइलको प्रयोगमा प्रतिबन्ध लगाइन्छ ।बास्तविकताः आधुनिक हवाइजहाजमा मार्गदर्शन र सञ्चार प्रणाली अविश्वसनीय रुपमा परिस्कृत भइरहेको छ । यतिसम्म कि मोवाइल फोनको प्रयोगले जहाजलाई कुनै असर गर्ने छैन ।
२. हामीले यो पनि सुनेका छौंः पेट्रोलपम्पमा मोवाइलफोनको प्रयोग गर्दा आगलागी हुन सक्छ ।बास्तविकताः इन्धन प्रज्वलनशील पदार्थ हो । यसलाई सानो झिल्कोद्वारा प्रज्वलित गर्न सकिनेछ । तर आगोको झिल्को सलाई, लाइटर वा विजुली सर्ट भएर निस्कने कुरा हो, मोवाइलबाट त होइन नी ! यद्यपी कुनै बिग्रिएको फोनमा ब्याटि्र सर्ट भएर आगोको झिल्का निस्कन सक्छ । तर, अहिलेसम्म हामीले यस्तो कारणले पेट्रोलपम्पमा आगलागी भएको सुनेका छैनौं ।
३. हामीले अहिलेसम्म सुनेको कुरा हो कि, मोवाइललाई लामो समयसम्म चार्ज गर्नु हुँदैन । रातभर मोवाइल चर्ज गर्दा ब्याटि्र चाँडै बिग्रिन्छ र मोवाइललाई पनि ठूलो नोक्सान हुन्छ ।बास्तविकताः रिचार्जेबल ब्याटि्रजडित सबै आधुनिक उपकरणहरुमा सुरक्षा सर्किट जडान गरिएको हुन्छ । जसले उपकरणलाई ड्यामेज हुनबाट जोगाउँछ । ब्याट्रि एकपटक फुल चार्ज भइसकेपछि पावर एडप्टरले स्वतः चार्ज बन्द गराउँछ ।
४. हामीले सामान्यतयः सुनिरहेका हुन्छौं जति ठूलो ब्याट्रि भयो त्यतिनै धेरै चार्ज टिक्छ ।बास्तविकताः कुनैपनि सेलफोन, ल्यापटप वा ब्याट्रिबाट सञ्चालित कुनैपनि डिभाइस होस्, ब्याटि्र कति टिक्ने भन्ने कुरा त्यस डिभाइसले खपत गर्ने विजुलीसँग सम्बन्धित हुन्छ । र त्यो ब्याट्रीको क्षमता अनुसार कति समय टिक्छ भन्ने निर्धारण हुन्छ । धेरै क्षमताका ब्याट्री ठूलो साइजकै हुनुपर्छ भन्ने छैन् ।
५. हामीले सुनेका छौं कि, सेलफोनको निजी ब्राउजिङ प्रयोग गर्दा तपाइँले हेरेका सवै चीज गोप्य रहन्छन् ।बास्तविकताः धेरैजसो मोवाइल फोन ब्राउजरमा निजी तथा गुप्त मोडहरु हुन्छन । तर, यसले कुनैपनि किसिमको ट्रयाकिङ कुकिज अथवा इतिहासबाट सुरक्षा प्रदान गर्दैन । यसले तपाईंको पहिचान, सक्रियता र लोकेसनलाई लुकाउन सक्दैन । तपाईले प्रयोग गर्नुभएको इन्टरनेट सेवा प्रदायक कम्पनी (वाइफाई तथा जिएसएम) का अधिकारीहरु यसको पहुँचमा पुग्न सक्छन् ।
६. हामीले धेरै सुनिरहेको कुरा यो पनि हो कि, चार्ज गरिरहेको समयमा मोवाइलफोनको प्रयोग निक्कै हानिकारक हुनसक्छ । मोवाइल पड्किनसक्ने सम्भावना प्रवल हुन्छ ।बास्तविकताः कहिलेकाहीँ चार्ज गरिरहेका बेला मोवाइल वा ट्याव्लेट प्रयोग गर्दा यदाकदा पड्किएका घटनाहरु हामीले सुनेका हुन्छौं । यो सत्य हो । तर अर्को सत्य कुरा के हो भने मोवाइल पड्किनुमा पूरै सेटको कुनै दोष हुँदैन । केबल ब्याटि्रमा आएको समस्याका कारण यस्तो हुन सक्छ ।
आमरुपमा मोवाइल पड्किनुको कारण कमजोर ब्याट्रि, नक्कली चार्जर लगायत नै हो । यदी तपाईंले बास्तविक ब्याटि्र र सक्कली चार्जरको प्रयोग गर्नुभो भने यस्ता समस्या तपाईहरुलाई हुने छैन् ।
७. मोवाइल फोनले थुप्रै संख्यामा हानिकारक बिकिरण उत्पादन गर्छ । त्यसैले फोनलाई सेन्सेटिभ एरिया जस्तै ट्राउजर, जिन्स वा सर्टको गोजीमा राख्नु हुँदैन भन्नेकुरा हामीले धेरै सुनेका हौं ।बास्तविकताः कुनैपनि आधिकारीक मोवाइल फोन उत्पादक कम्पनीले फोन उत्पादन गर्नुभन्दा पहिले नै SAR (Specific Absorption Rating) परिक्षण अनिवार्य पास गर्नुपर्ने हुन्छ ।
त्यस परिक्षणको सर्टिफिकेट दिने बेलामै कम्पनीले यो ग्यारेन्टी गरिसकेको हुन्छ कि मानव जीवनलाई असर गर्ने कुनै विकिरणहरु मोवाइलबाट उत्सर्जन हुने छैन । त्यसैले मोवाइलबाट निस्कने कथित बिकिरण र बिरामीको बीचमा हुनै सम्बन्ध हुँदैन ।
from SHYANE http://ift.tt/1T4JVS7
via IFTTT
0 comments:
Post a Comment
Click to see the code!
To insert emoticon you must added at least one space before the code.