एसिया कप क्रिकेटमा भारतको लगाचार चौथो जित

फागुन २१ । बंगलादेशमा जारी एसिया कप क्रिकेट अन्तर्गत समूह चरणको अन्तिम खेलमा भारतले युएईलाई ९ विकेटले हराएको छ ।

बंगलादेशको मिरपुरमा टस जितेर पहिले ब्याटिङ गरेको युएईले निर्धारित २० ओभरमा ९ विकेट गुमाएर ८१ रन जोड्यो । युएईका लागि शैमान अनवरले ४३ रन जोड्नुबाहेक अन्य कुनै पनि ब्याट्सम्यान क्रिजमा टिक्न सकेनन्।

जवाफमा ८२ रनको सामान्य लक्ष्य भारतले १० ओभर १ बलमा १ विकेट गुमाएर पुरा गर्‍यो । भारतका लागि रोहित शर्माले ३९ रन तथा युवराज सिंहले अविजित २५ रनको योगदान दिए ।

जितसँगै भारतले एसिया कप क्रिकेटमा समूह चरणका सबै ४ खेल जितेको छ । ८ अंक जोडेको भारत र ६ अंक जोडेको आयोजक बंगलादेश फाईनलमा पुगिसकेका छन् । फाईनल खेल शनिबार हुनेछ ।

प्रतियोगिता अन्तर्गत आज हुने खेलमा पाकिस्तान र श्रीलंका भिड्नेछन् । यी दुबै टोली समूह चरणबाटै बाहिरिसकेकाले आजको खेल औपचारिकतामा मात्र सिमित हुनेछ ।

from ARENA http://ift.tt/1TU5qu2
via IFTTT