दीपिकाले बाँधिदिइन् पत्रकारको जुत्ताको तुना

केही दिनअघि अभिनेत्री दीपिका पादुकोण चण्डीगढ पुगेकी थिइन्, आफ्नो फिल्म ‘तमासा’को प्रमोसनका लागि । दीपिकासँगै थिए, अभिनेता रणवीर कपुर पनि । फिल्म प्रमोसनकै दौरान उनीहरूले त्यहाँ पत्रकार भेटघाट कार्यक्रम गरे ।

पत्रकारका जिज्ञासाको जवाफ दिइरहेकै वेला दीपिकाले अचानक सबैलाई आश्चर्यमा पारिदिइन् । कारण थियो, उनी एउटी महिला पत्रकारको जुत्ताको तुना बाँध्न पुग्नु । दीपिकाले ती पत्रकारको जुत्ताको तुना फुस्किएको देखेपछि एक्कासि उनीसामु गएर बाँधिदिएकी थिइन् । दीपिकाले के गर्न खोजिन् भन्ने कुरा सुरुमा ती पत्रकारलाई पनि थाहा भएन ।

तर, एकैछिनमा सबैलाई थाहा भयो, जुत्ताको फुस्किएको तुनामा अल्झिएर जुन कुनै वेला लड्न सक्ने अवस्था देखेपछि दीपिकाले त्यसो गरेकी थिइन् । अन्त्यमा महिला पत्रकारले दीपिकालाई धन्यवाद दिएकी थिइन् ।

from SHYANE http://ift.tt/1OPeA6e
via IFTTT